Әлеге бәйрәм христиан халкының олы постлары башланыр алдыннан да билгеләп үтелүе белән күркәм булып тора.  Бәйрәм атна буе дәвам итә һәм аның соңгы көне аеруча зурлана.  Бәйрәм бик тә кызыклы, җанлы итеп  әзерләнә. Монда кышны озатуның тарихы, гореф-гадәтләре белән танышырга мөмкин.

    Барча халык бии, җырлый һәм дә коймак белән сыйлана. Коймак исә язгы кояш символын гәүдәләндерә. Бәйрәм көнне шулай ук, саламнан эшләнгән карачкыны яндыру төп атрибут булып тора. Аны хәзерге вакытта хатын-кыз киеменә киендерсәләр, элек исә ул ир-ат киеменнән булган. Салам карачкы белән бергә иске, кирәкмәгән әйберләрне, кайгы-хәсрәтләрне яндыралар.

   Христиан динен  тотучыларда Масленицаның соңгы көнендә  бер-берсеннән гафу үтенү каралган, моңа җавап итеп исә алар, "Алла кичерер" дип әйтәләр.  

   Менә  без   шушы  бәйрәмнең шаһитлары булдык. Бәйрәм безгә бик ошады.