Туган ягым иркен болыннарга,

Елгаларга,  чишмә, күлләргә.

Урманнары, кырлар, тугайлары

Рәхәт бирә безнең  күңелләргә.

Чык тамчысы ялтырый үләннәрдә

Әкрен генә сызылып  таң ата.

Салмак кына исә саба җиле,

Арыш исе җиргә тарала.

Сандугачлар сайрый тирәкләрдә

Елгаларда йөзә балыклар.

Кыр үрдәге кычкыра камышлыкта

Бу матурлык тагын  кайда бар?

Синдә генә газиз туган илем

Бар матурлык, барлык иркенлек

Кайда гына булсам , нишләсәм дә,

Ашкынып кайтам, сиңа баш иеп.

  Галиуллина  Диләрә Әхмәдулла кызы

татар теле һәм әдәбияты укытучысы