Мәктәбебез кунаклары югары категорияле татар теле һәм әдәбияты укытучысы Гарифуллина Роза Мирсадыр кызының "Алтын көз", шулай ук татар теле һәм әдәбияты укытучылары  Шакирова Миләүшә Гәрәфетдин кызының "Татар халык авыз иҗаты",  ә Гәрәфетдинова Чулпан Фазыл кызының "Тамчы-шоу" дигән дәрестән тыш чараларын карадылар. Югары категорияле татар теле һәм әдәбияты укытучысы, методик берләшмә җитәкчесе Касыймова Гөлнур Наил кызының " Укучыларның  дәрестән тыш эшчәнлеген оештыруда " Каләм тибрәтүчеләр" гәҗитенең роле" дигән  чыгышын тыңлап үттеләр. Кунакларыбыз мәктәбебезнең физик тәрбия укытучысы, "Укытучы елы-2017" шәһәр конкурсы лауреаты Сабирҗанов Рөстәм Нәгыйм улының "Сәламәт булу әйбәт" дип исемләнгән мастер-классын карадылар, үзләре дә анда катнаштылар.

Көндезге  аштан соң   килгән кунакларыбыз бик матур концерт карадылар. Үзләренең шушы стажировкадан алган хис-кичерешләре белән уртаклаштылар.  Стажировканың җитәкчесе   филология фәннәре кандидаты, доцент Мотыйгуллина Әлфия Рухул кызының безнең укытучыларыбызның дәрестән тыш эшчәнлекләрен һәм чыгышларын мактап сөйләүләре –аларга тагын да көч-куәт өстәде, үз-үзләренә ышанычын арттырды. Ул: “Менә шушы өч укытучы -Гөлнур Наил кызы, Миләүшә Гәрәфетдин кызы, Чулпан Фазыл кызы белән мин бүген бик горурланып утырдым, чөнки алар минем укучыларым, киләчәктә аларга тагын да югары үрләргә менүләрен телим”,-диде.

Республика күләмендә оештырылган бу стажировкадан мәктәп җитәкчелеге, барлык килгән кунаклар һәм чыгыш ясаучы укытучыларыбыз бик канәгать калдылар.

Югары категорияле татар теле һәм әдәбияты укытучысы Касыймова Гөлнур Наил кызы