Бу очрашу югары категорияле татар теле һәм әдәбияты укытучысы Касыймова Гөлнур Наил кызы тарафыннан бик эчтәлекле итеп  җыр, шигырьләр белән үрелеп алып  барылды. Ләйлә ханым әтисе турында бик кызыклы, эчтәлекле итеп сөйләде, аның шигырьләрен, хатларын яттан укыды, укучылар биргән сорауларга бик теләп җавап бирде. Бу очрашу бик җылы мөгамәләдә алып барылды. Әңгәмәбезгә Римзил Салих улы Вәлиев та кушылды. Ул Ләйлә апа һәм Фатих Кәрим турында үзенең белгәннәрен сөйләде. Укучыларга да, килгән кунакларга да бу  очрашу  кичәсе бик ошады. Кичәбезне Гөлнур Наиловна Фатих Кәримнең "Теләк" шигыре  белән тәмамлады. Анда мондый юллар бар:

            Дошманга ялкын сибүче

            Җил булып барсам иде,

            Тәвәккәллек, батырлыкта

            Җыр булып калсам иде.

        Әйе, чыннан да, милләтебезнең йөз аклыгы булырлык мирас калдырып һәлак булган бөек шагыйребез турында истәлекләр һәм бүгенге очрашу безнең  күңелләрдә  мәңге җыр булып калыр, сакланыр!