Бүгенге көн гадәттәгечә иртәнге зарядкадан башланып китте. Ә аннары Кәрим Тинчурин исемендәге “Яшь тамашачылар театры”ннан килгән артистларыбыз балаларга  “Ак Барс” дип исемләнгән спектакль тәкъдим  иттеләр. Балалар бүгенге көннән бик кәнәгать калдылар.

23 нче июнь – тынычлык көне уңаеннан "Энҗе бөртекләре” лагеры балалары арасында “Асфальтка рәсем төшерү” конкурсы уздырылды . Дүрт  отряд арасында уздырылган бу ярышны һәркем зур кызыксыну белән күзәтте. Һәр отрядның рәсеме үзенә күрә үзенчәлекле,зәвыклы иде.Көннең икенче яртысында Мәгариф бүлегеннән килгән кунагыбыз Люция Мәүлетҗан кызы балалар белән халык мәнфәгатьләрен яклаучы оешмалар турында әңгәмә – конкурс үткәрде.

22 нче июнь – сугыш кырында һәлак булганнарны искә алу көне. Шул уңайдан лагерь балалары Татарстан Республикасының Милли  музеенда булып кайттылар.Анда аларга илебез халыклары дуслыгы, аларның милли киемнәре , йолалары турында сөйләделәр,Бөек Ватан сугышына багышланган экспозицияләр белән таныштырып үттеләр.  “Сабантуй” дип исемләнгән милли уеннар да оештырылды. Көн эссе булуга карамастан, балалар шат күңел белән кайтып керделәр.

19 нчы июнь көнне лагерь балалары “ Гранд Синема” кинотеатрында “Головоломка” исемле фильм карадылар. Соңыннан фильм эчтәлеге буенча фикер алыштылар һәм үзләренә ошаган эпизодларга карата рәсем ясадылар.Көтмәгәндә янгын чыгу очракларыбулуын исәпкә алып, бинадан исән-имин чыгу юлларын кабатлап үттеләр, тормыштан алынган мисаллар китерделәр, эвакуация планы белән таныштылар.

Театр көненә багышлап түгәрәк җитәкчесе Раиса Ивановна лагерь балалары катнашында спектакль  оештырды һәм алар бүген чыгыш  ясадылар. Төрле әкият персонажлары катнашып, яңача төзелгән бу спектакльне балалар зур кызыксыну белән карадылар, Раиса Ивановнага рәхмәтләрен җиткерделәр.

Халыкара милли бәйрәм көне уңаеннан бүген, 17 нче июнь көнне, лагерь балалары МАКИ укытучылары – Гөлсинә Гаязовна һәм Наталья Борисовна белән очраштылар. Алар ярдәмендә асфальтка төрле рәсемнәр төшерделәр. Шунда ук балалар белән хәрәкәтле уеннар да оештырылды.

Дуслык көне уңаеннан 15 нче июнь көнне лагерь балалары башкалабызның “Дуслык йорты”нда булдылар. Экскурсовод балаларны күргәзмә залы белән таныштырды, илебез халыклары дуслыгы турында әңгәмә үткәрде. Көннең икенче яртысында балалар Кабан күле буена барып төрле уеннарда катнаштылар.

Мәктәп янына утырткан чәчәкләр җәй буе мәктәп каршын бизәп тора. Хәзерге вакытта бакчада лилияләр, петунияләр гөрләп чәчәк ата, кәнә уты (клещевина), бархатцылар тармакланып үсеп килә. 8 һәм 10 сыйныф кызлары аларга сулар сибә, чүпләрен утый. Мәктәп бакчасы безнең хезмәт көзгесе. Димәк, алда да әле һәр укучыдан тырыш хезмәт кирәк булачак. 

Празднование Дня России прошло сегодня в Казани на территории Центрального парка имени Горького. 
Для гостей праздника были организованы различные развлекательные мероприятия. Зрителям представили яркую концертную программу с участием творческих коллективов Татарстана и Казани. Желающие могли сдать нормы ГТО, поучаствовать в шахматном турнире и массовой зарядке. Для детей была организована велоэстафета.

 2015 елда ТАССР ның 95 еллыгы һәм Татарстан Республикасы төзелүнең 25 еллыгы булып узу уңаеннан, тарих укытучысы Фәйрүзә Раифовна лагерь балалары белән “Илебезнең тарихы” дип исемләнгән чара үткәрде. Ул балаларны ТАССР барлыкка килү, яңа Татарстан Республикасы дип үзгәртелү тарихы белән таныштырды. Соңыннан балалар мәктәп музеенда булдылар.