28 АВГУСТА В 11.00. СОСТОИТСЯ ПРОБНЫЙ ДЕНЬ.

В Республике Татарстан реализуется пилотный проект по реинтродукции сокола-балобана в Камско-Устьинском районе с привлечением волонтеров.

Проект участвует в интернет-голосовании на сайте национальной премии в области географии, экологии, сохранении и популяризации природного и историко-культурного наследия России «Хрустальный компас».

Казанның тимер юл вокзалына «Җиңү поезды» музее килде. Аның экспозициясе Бөек Ватан сугышының аерым вакыйгаларына һәм этапларына багышланган. Музей экспозициясенә сугыш алды еллары, Бөек Ватан сугышы һәм Җиңү керә. Проектны РФ Фән һәм югары белем министрлыгы, «Россия тимер юллары» ААҖ, «Җиңү волонтерлары»иҗтимагый хәрәкәте гамәлгә ашыра. Гимназия укучылары һәм педагоглар әлеге күргәзмәдә булдылар.

Бүген лагерь белән саубуллашу көне. Санаулы көннәр сизелмичә дә үтеп китте.  Балалар өчен үткәрелгән кызыклы чаралар, уеннар,күңелле ярышлар, дәртле җырлар, биюләр балаларның күңелләренә хуш килде.  Лагерь турындагы  хәтирәләр  күңелләрдә озак сакланыр. Сау бул, лагерь!

      Балаларның күңелле яллары дәвам итә. Лагерьга йөрүче укучылар бүген  кинотеатрда булып,  “Зверогонщики  ”дигән  кызыклы мультфильм карап кайттылар. Төшке аштан соң ял итүчеләр иҗат белән шөгыльләнде, студентлар үткәргән квестта катшаштылар, стадионда күңелле һәм тату рәвештә спорт көне уздырдылар.  Көн кызыклы , төрле чараларга бай булды һәм уңай хисләр генә бүләк итте.

Бүген 22 июнь - Хәтер һәм Кайгы көне. 1941 нче елда фашист илбасарлары илебезгә каршы сугыш башлаган, канкойгыч бәрелешләрдә миллионлаган халкыбызны югалтырга мәҗбүр иткән көн. " Энҗе бөртекләре" мәктәп яны лагеренда ял итүче  балалар өчен гимназия музеенда   тарих укытучысы  Фәйрүзә Раиф кызы  “ Батырлык дәресе”  үткәрде.     Көннең икенче яртысында сугыш турында  шигырьләр сөйләделәр,  сугыш чоры җырларын башкардылар,  яуларда һәлак булучыларны бер минут тынлык белән искә алдылар.   

     Ветераннарыбызга, сугышта үзен аямыйча көрәшкән бабаларыбызга, тылда хезмәт куйган әбиләребезгә  бөек Җиңү өчен зур рәхмәт әйтәбез! Яшь буын тарихыбызны, бабаларыбызның батырлыгын онытырга тиеш түгел. Алар даны мәңгелек!

Лагерь – үзе бер дөнья. Анда ял итәргә дә, вакытны файдалы һәм күңелле уздырырга да, кызыклы мәгълүматлар алырга да мөмкин. Бүген укучылар шәһәребезнең 41 нче китапханәсендә экскурсиядә булдылар. Биредә алар “Беркем дә, бернәрсә дә онытылмады”  дигән  чарада катнаштылар. Шулай ук балалар өчен “Герой – шәһәрләр” дигән темага викторина да оештырылган иде. Чараларда актив катнашкан укучылар махсус бүләкләргә ия булдылар. Балалар әлеге сәяхәттән бик күп яхшы тәэсирләр белән кайттылар.      

        Һәр кешенең иң зур байлыгы-сәламәтлек. Күңелле стартлар –балаларны урамдагы  хәрәкәт активлыгына җәлеп итүнең иң кызыклы варианты. Шул уңайдан, бүген лагерьда ял итүчеләр өчен «Күңелле стартлар»  уены оештырылды. Уен программасы шактый бай эчтәлекле булды. Спорт бәйрәменең төп өлеше - эстафеталар. Командаларга бүленеп

йөгерү, сикерү, туплар һәм кыршаулар  белән  кызыклы конкурслар тәкъдим ителде. "Күңелле стартлар" ның барлык этаплары киеренке көрәштә узды. Балалар  һәрбер уенда актив катнашып, көч сынаштылар,бер-берсе өчен җан атып тордылар.   Спорт бәйрәме балаларны берләштерде, беркемне дә битараф калдырмады. "Күңелле стартларда» катнашып, балалар үзләрен чын коллектив итеп тойдылар! Ярыш нәтиҗәләре буенча «дуслык» җиңде!            

2023 нче  ел - Россиядә "Укытучылар һәм остазлар елы" буларак билгеләп үтелә. Шул уңайдан, бүген лагерьда ял итүчеләр КФУ һәм Казан дәүләт мәдәният институты  студентлары белән очрашты. Алар балаларга үзләренең остазлары турында сөйләделәр, укытучыларга багышланган шигырьләр  укыдылар. Студентлар үткәргән “Крестики – нолики”  интерактив уены, “Әкиятләр иленә сәяхәт”  викторинасы да, оригами буенча үткәрелгән мастер–класс  та, пыяла банкалардан ксилофон ясау һәм анда уйнарга өйрәнү дә балаларга бик ошады.   Матур кичерешләргә бай булган көн   сизелмичә дә узып китте.    

       Көн күңелле зарядка һәм тәмле иртәнге аш белән башланды.  Аннан  соң балалар   Казан зооботаника бакчасына  экскурсиягә бардылар. Алар  зур кызыксыну белән яңартылган территория буйлап йөрделәр , үзләренең яшәү шартларына якынлаштырылган гадәти булмаган вольерларга урнаштырылган хайваннарны карадылар , төрле уеннар уйнадылар, ял иттеләр.  Көннең икенче яртысында студентлар  үткәргән квестта да балалар актив катнаштылар. Елмаюлар, яхшы кәеф һәм  онытылмаслык мизгелләр  күп булды бүген!