Бүген безнең мәктәптә 10-11 сыйныфлар өчен яшьүсмерләрнең хокукларын саклаучы  һәм төрле өлкәләрдә эшләүче вәкилләр катнашында очрашу булды. Зур кунаклар: информатизация һәм связь министрлыгыннан Амиргалеев Т.М., юстиция министрлыгыннан Захватова Оксана Викторовна, Башкарма комитеты җитәкчесе ярдәмчесе Касимов В.В., полиция капитаны Колезнева А.Р.,  Башкарма комитетның юридик бүлеге җитәкчесе Салихов Е.М., шулай ук балиг булмаган гражданнарның опека һәм попечительство буенча баш специалист катнашты.Тимур Маликович  хәрби хезмәткә чакырылу темасын күтәрде. Укучыларга "кичектерлеп" тору, кемнәр хәрби хезмәттән бөтенләй азат ителәләр , альтернатив хәрби хезмәт, призывникларның мед. комиссия үтүләре турында аңлатты. Оксана Викторовна укучыларга яшьүсмерләрнең хокукларын саклау буенча норматив -хокук базасын өләште. Аудиториядә булган укучыларга үз хокукларын белү кызык иде. очрашу дәвамында укучылар үзләрен кызыксындырган сорауларга җаваплар алдылар. Ни өчен янәшәдә әти утырган хәлдә картодромда машинада йөрергә ярамый? Армиядә дедовщина актуальме? Ни өчен без яшьүсмерләргә 22:00кә кадәр генә, ә ни өчен 23:00 яки 00:00 гә кадәр түгел? Әңгәмә барышында укучылар үзләренең нинди хокукларга, бурычларга ия булуларын белделәр һәм авыр вакытта ярдәм сорап кая мөрәҗәгать итә алуларын аңладылар. Бу чара өлкән класслар өчен бик файдалы һәм кызыклы булды. Мондый очрашулар бөтен мәктәпләр өчен дә традициягә әйләнер дип ышанып калабыз.