Бөек Җиңү көнен билгеләп үтәргә ике ай вакыт калып бара. 70ел безнең халкыбыз тыныч тормыш итә, бу аяз көннәр өчен без күп авырлыклар күреп, бу көнне якынайту өчен бөтен көчен куйган буын алдында  башыбызны иябез. Шушы истәлекле көннәрне хәтерләтеп, тел атналыгы кысаларында “Хәтерләгәндә – без яшибез!” дигән әдәби-музыкаль кичә булып узды. Бу кичәдә шул елларны чагылдырган видеороликлар, сәхнәләштерелгән әсәрләр, җырлар, биюләр, шигырьләр, Левитан тавышын да ишетергә һәм карарга мөмкинлек бар иде. Болар барыбызны да шул елларның авыр мизгелләрен күзалларга булышты.