Бүген Макыл урта мәктәбендә “ Дәресләрдән тыш, өстәмә белем бирү эшчәнлегендә, тәрбия чараларында шәхеснең танып-белүе” дигән темага тәрбия эше буенча директор урынбасарларының район  семинары булып узды.  Семинарда тәрбия эше планнарын тормышка ашыру йөзеннән сыйныф сәгатьләренең панорамасы, өстәмә белем бирү эшчәнлеген яктырткан төрле чаралар, аерым укучылар Митрофанова Аняның(3кл.), Хабибуллина Алиянең (9кл.) иҗади эшләренең күргәзмәсе күрсәтелде. Семинарның 2нче өлешендә түгәрәк өстәл артында шәхеснең тәрбия чаралары аша танып-белү эшчәнлеген оештырганда туган проблемаларны чишү юлларын билгеләделәр. Информацион методика үзәге методисты Анастасия Шайдеева үзенең чыгышында наркоманияга каршы көрәш программалары, тәртипсезлекне булдырмауга каршы оештырылачак эшләр турында сөйләде. Өстәмә эшләр үзәге буенча оештырылган эшләр турында “Укучылар йорты” директоры Нәсимә Биктагирова чыгыш ясады.