Балалар  кичәгә алдан ук әзерләнделәр: әти-әниләр ярдәме белән Г.Тукай әсәрләренә рәсемнәр, кул эшләре ясап алып килделәр, кичәдә бу рәсемнәрдән күргәзмә ясалды. Балалар Г.Тукайның «Бала белән күбәләк», «Гали белән кәҗә», «Кызыклы шәкерт» шигырьләрен өйрәнеп, шушы кичәдә сәхнәләштереп күрсәтте.  Зурлар төркеме кызлары Г.Тукайның «Бишек җырын» җырлап үзләренең курчакларын  йоклаттылар, аларга үзләренең теләкләрен теләделәр. Тәрбиячеләр һәм тәрбияче ярдәмчеләре балаларга «Су анасы» әкиятен сәхнәләштереп күрсәтте. Кичәгә кунакка балаларның  яраткан герое Шүрәле дә килгән иде. Ул балалар белән бергә җырлады, биеде, балаларның матур чыгышларын тыңлады. Кичә Г.Тукайның «Туган тел» җыры белән тәмамланды. Шүрәле дус балаларга матур чыгышлары өчен үзенең бүләкләрен өләште.