Сөйләм телен үстерү шөгылендә балалар космос, Кояш системасы, планеталар, космонавтлар, иң беренче космоска очучы Юрий Гагарин турында презентация карадылар; китаплардан иң беренче уйлап чыгарылган очкычлар, ракеталар, ракетаның эчке төзелеше, скафандр, аның төзелеше турында әңгәмә алып бардылар. Алган белемнәрен ныгыту максатыннан планеталар, космос турында дидактик уеннар уйнадылар. Атналык теманы йомгаклап,”Марс планетасын коткарыйк” дип аталган  физик күңел ачу шөгылендә балалар үз командалары өчен җан атып, чын күңелдән бирелеп төрле ярышларда көч сынаштылар, уйнадылар, күңел ачтылар.  Планетаны беренчеләрдән булып коткарган командалар медальләр белән бүләкләнде. Бу шөгыльләрдән балалар бик күп яңалыклар алдылар.