“Бала-сити” халыкара мультилингваль балалар бакчалары челтәре ярдәмендә гамәлгә ашырылучы " Акыллы уеннар" проекты белән Республика күләмендә 100 дән артык балалар бакчасы эшләп килә.
Безнең районыбызның берничә балалар бакчасында да бу проект гамәлгә ашырыла.
Март аенда “Бала-сити” халыкара мультилингваль балалар бакчасы республикакүләм “Акыллы уеннар” иҗади проекты бәйгесе оештырды. Проектка “Тукай әсәрләре”, Минем Татарстан”, “Минем район” темаларына “Акыллы уеннар”ның “Мин төзүче” уены ярдәмендә иҗади композиция ясалып, видеога төшереп җибәрелде. Шулай ук проектка эшләнү этапларының фотолары белән ачыклама стенды да эшләнде.
Бу проектта безнең балалар бакчасы да катнашты. Биектау районында урнашкан истәлекле урыннарны “Акыллы уеннар” ярдәмендә республикага танытты. “Иске Казан дәүләт һәм табигать музей-тыюлыгы”н, тәрбияләнүчеләр - Гыймадиева Р.Ф., Хәнәфиев Ә.Д., җитәкчесе: Һадиева Г.И., . тәкъдим иттеләр һәм 27 балалар бакчасы арасыннан республика буенча гран – при иясе булдылар.
16 нчы май алар " Акыллы уеннар" чемпионатында катнашты һәм тантаналы бүләкләүдә катнаштылар.
Чын күңелдән котлыйбыз! Уңышлар телибез!