Ел саен 1нче апрель көнне Халыкара кошлар көне билгеләп үтелә. Кошлар күптөрле һәм бик кызыклы җан ияләре. Кошлар – яз хәбәрчеләре, канатлары белән очып, чакрымнар кичеп, сәяхәттән Туган якларын сагынып кайткан дусларыбыз. Алар безнең күңелләребезне матур җырларын сузып дәртләндерәләр, аларның үрнәге ирек сөяргә, түзем булырга өйрәтә. 
Шушы көн уңаеннан, зурлар һәм мәктәпкә әзерлек төркемендә тематик әңгәмә һәм әниләр өчен мастер-класс узды. Әниләр катыргы кош шаблоннарын төсле җепләр белән чорнап – матур төстәге кошлар ясадылар һәм агач ботагына элеп куйдылар. Бу вакытта балалар рәсемнән карап, үзләре өйрәнгән кош буягычлары буядылар. Шулай ук әниләргә кошлар турында табышмаклар, шаян мәсьәләләр әйтелде. 
Гүзәл дөньябызны, табигатьне яратыйк, аның матурлыгын күрә белик, гаҗәеп кошларга соклана белик, саклыйк, рәнҗетмик, оялар ясап, җимлекләр куеп ярдәм итик дигән теләктә калабыз.