Балаларны татар гореф-гадәтләре белән таныштыру максатыннан бүген бакчабызда «Карга боткасы» бәйрәме узды. "Карга боткасы" язгы бәйрәмнәр арасында иң популяр бәйрәмнәрнең берсе булып тора. Ул март азагында уздырыла.
Безнең бакча балалары бу бәйрәмне бик яраталар һәм көтеп алалар. Бәйрәмебезне ,матур шигырьләре белән , бакчабызның уртанчы төркеменә йөрүче балалар башлап җибәрделәр. Әби булып киенеп килгән тәрбияче апалары, бәйрәмебезнең кунагы булып, балалар белән биеде, җырлар җырлады, балаларга төрле мавыктыргыч, күңелле уеннар уйнатты. Кара каргаларның бәйрәмгә “ очып килүләре” дә бәйрәмебезгә тагын да ямь өстәде, алар үзләренең матур биюләрен тәкъдим иттеләр. Бәйрәм барышында балалар “Гөлбану”, “Тамчы гөл”, “Мәликә”, “Алтын капка”, “Кошлар һәм машиналар” җырлы-биюле уеннарын уйнадылар. Җырлап- биеп күңел ачкач Әби балаларны “карга боткасы” н пешерү тарихы белән таныштырды. Элек ярма, йомырка, май, сөт алып авылның кардан ачылган су буйларына, тау битләренә җыелганнар һәм казан асып ботка пешегәннәрен әйтеп узды. Бәйрәм узгач балалар тәмле коймаклардан авыз иттеләр.