Балаларда армия, Ватанны саклаучылар турында беренче күзаллаулар формалаштыру , патриотик тәрбия бирү, туган илгә мәхәббәт, бабайларга, әтиләргә хөрмәт уяту, көчле, кыю булырга омтылыш тәрбияләү максатыннан кече яшьтәгеләр төркемендә армия сафларында хезмәт иткән әти, абыйлар белән җылы очрашу узды. Тәрбияләнүчеләр хәзерге солдатның нинди сыйфатларга ия булырга тиешлеге, армия тормышы, андагы тәртип белән таныштылар. Килгән кунаклар белән ярышларда катнашып көч сынаштылар. Очрашу ахырында:"сез армиядә хезмәт итәргә телисезме?" дигән сорауга барысы да, хәтта кызлар да:” әйе!” дип җавап бирделәр. Мондый очрашудан соң күп кенә малайларның тизрәк үсеп, армиягә барырга теләкләре туды.