“Бирнә” җыю тәмамланганнан соң, 10 нчы июнь көнне бакчада “Сабантуй – милли бәйрәм дип исемләнгән, татар халкының яратып, көтеп алган бәйрәмнәрнең берсе – “Сабантуй” бәйрәме үтте.Балаларны күңелле, мавыктыргыч татар халык бәйрәме белән таныштыруны ныгыту, татар милли уеннарны искә төшерү, татар халкының милли гореф гадәтләренә карата зурлау хисе тәрбияләү – төп максатыбыз.Балалар Сабантуй бәйрәме белән якыннан таныштылар, ни өчен, кайчан, ничек һәм кайда үткәргәнлеге турында сөйләштек.Алар: “Ач чабышы”, “Чүлмәк вату”, “Күзне бәйләп кисү”, “Көянтә-чиләк белән су ташу”, “Капчык бәрү”, “Канат тартыш һәм таяк тартыш”, татар халкының милли уены – татарча көрәштә катнаштылар. Сабантуй турында җырлар, парлы татар биюе, чиккән сөлге белән биюләре һәм Сабантуйга багышланган шигырьләр сөйләделәр. Уенда катнашып, җиңү яулаган  бала  бүләкләнде.Балаларга “Сабантуй” бәйрәме бик ошады. Алар күтәренке кәеф, елмаю белән таралыштылар.Әти-әниләргә сабантуйга бүләеләр әзерләгәннәре өчен зур рәхмәтебезне белдерәбез. Аларга-тазалык-саулык теләп калабыз.