17 нче ноябрь көнне мәктәбебездә ата-аналар җыелышы булып узды. Җыелышта 9, 11 нче сыйныф укучыларының әти-әниләре белән ГИА һәм ЕГЭ турында әңгәмәләр алып барылды.Калган сыйныфларда укуда килеп чыккан авырлыклар, тәртип, тәрбия турында әңгәмәләр уздырылды.  "Төнге вакыт" турында аңлатып, тәкъдимнәрен җиткерде. 

4 нче ноябрьдән 11 нче ноябрьгә кадәр көзге каникуллар дәвам итә.

  23, 24,27  нче октябрьдә һәр сыйныфта  парламент дәресләре үтте. “Законнар кайда туалар?”, “Кеше хокуклары һәм бурычлары”, “Татарстан Республикасы Конституциясенә 20 ел”  һәм  башка  темаларга класс сәгатьләре, викториналар үткәрелде

12 нче октябрь көнне безнең 7-8 нче сыйныф  кадетлары "Куркынычсыз тәгәрмәч -2012"  район слётында катнаштылар. Уңышлы чыгыш ясап, "Приз зрительских симпатий" грамотасына һәм кыйммәтле бүләкләргә  лаек булдылар. Без аларны җиңүләре белән котлыйбыз!.

Туган якның ал таңнары сезгә
Бүләк иткән күңеп аклыгын.
Юлдаш итеп сайлагансыз яшьтән 
Челтерәп аккан чишмә сафлыгын.
    Вөҗдан күзе белән карыйсыз сез
    Тормыштагы һәрбер мизгелгә.
    Күпме изге гамәл энҗе булып
    Гомер юлыгызга сибелә.
Рух ныклыгына таянасыз, 
Нәкъ меңьяшәр имән төсле сез.
Чор сулышын ачык тоемлаучы 
Зыялы һәм затлы кеше сез.
    Сезгә карап сокланабыз һәрчак
    Күңелләрдә туа горурлык.
    Рәхмәт сезгә, әле ярый сез бар
    Безгә үрнәк булып торырлык.
                                                                                       Хөрмәтле коллегарыбыз!
  Сезне чын күңелебездән һөнәри бәйрәмегез белән тәбрик итәбез. Сезгә киләчәк тормышыгызда саулык-сәламәтлек, гаиләгезгә тынычлык, иминлек, бәхет, авыр хезмәтегездә уңышлар теләп калабыз. Сабыр канатларыгыз беркайчан да сынмасын, мәктәпләрегездә шат балалар тавышы тынмасын. Якыннарыгызны һәм безне — хезмәттәшләрегезне сөендереп, озак һәм бәхетле яшәгез.
                                                                                                                                                                                   Иң изге теләкләр белән   Суыксу урта гомуми белем мәктәбе коллективы                                                                                                                                                                                                                                                                                          

27 нче сентябрь көнне мәктәптә “Чисталык дәресләре” үтте. Һәр сыйныф җитәкчесе сыйныф сәгате үткәрде. “Табигатьне сакла!”, Табигатьнең чисталыгы үзебездән тора”, “Экологик катастрофа” дигән сыйныф сәгатьләре эчтәлекле үтте.

Хөрмәтле ветераннарыбыз!

Сезне Өлкәннәр көне белән котлыйбыз.

Картаям дип һич тә кайгырмагыз,
Өлкәннәрдә — акыл-сабырлык. 
Киңәш, ярдәм кирәк чаклар була, 
Әле дә сез бар үрнәк алырлык. 
   Сезнең тормышыгыз безгә үрнәк, 
   Йөрәктә сез кичен-иртәсен. 
   Сезгә насыйп булган бәхет-шатлык, 
   Яхшы көннәр мәңге бетмәсен. 

 Ихлас теләкләр белән  Суыксу гомуми урта белем бирү мәктәбе коллективы

       Безнең Суыксу гомуми урта белем бирү мәктәбендә быелгы уку елыннан яңа оешма - "Татарстан варислары" оешмасы эшли башлады. Укучыларга бу оешма эшчәнлеге турында аңлатылды.15 сентябрь көнне оешма туган көне уңаеннан бәйрәм оештырылды. 5 сыйныф укучылары варислар сафына кабул ителделәр.Аларны бәйрәм белән котлыйбыз.

           1 сентябрьне хәзер Белем көне диеп олылап йөртәләр. Чынлап та, нәкъ менә мәктәп бусагасыннан беренче адым атлап килгән нәниләр өчен әлеге бәйрәм белем дәрьясына алып кереп китә торган беренче көн булып тора. Шушы көн кеше гомерендә матур бер истәлек булып мәңге саклана. Мәктәп еллары ул кеше гомеренең иң истәлекле, иң матур вакыты. Монда ул күпме белем туплый, акыл җыя, гомерлек яңа дуслар таба, кешеләрне хөрмәт итәргә, намуслы, тырыш булырга өйрәнә. Шушы еллар буе аның янәшәсенән атлаучы, уй – теләкләре, төпле киңәшләре белән ярдәм итүче кеше ул – укытучы. Гаиләдә бала өчен әти – әнисе борчылып торган кебек, укытучы да укучысы өчен кайгыра, уңышларына сөенеп яши. Укучы, әти – әни, укытучы. Алар бер – берсен аңлап, ярдәи итеп эшләгәндә генә хезмәтнең нәтиҗәсе дә уңышлы була. Без Сезнең барыгызны да шушы матур бәйрәм белән тәбрик итәбез. Сезгә ныклы сәламәтлек, озын гомер, җан тынычлыгы, күңел көрлеге, гаиләләрегездә тынычлык, авыр һәм мактаулы эшегездә зур уңышлар телибез. Табигатьтән сезгә илһам иңгән, Сез сабырлык, гыйлем үрнәге. Белем дигән илне якын итеп, Яулагансыз текә үрләрне. Һәр йөрәккә кереп урнашасыз, Исемегез һәркем телендә. Беркайчан да болыт капламасын, Кояш булсын тормыш күгендә. Ипле генә, тыныч кына итеп, Күңелләргә үтеп керәсез. Балаларга терәк, таяныч сез, Аналардай сөя беләсез. Һәр йөрәккә кереп урнашасыз, Исемегез һәркем телендә. Беркайчан да болыт капламасын, Кояш булсын тормыш күгендә. Иң изге теләкләр белән Суыксу урта гомуми белем мәктәбе коллективы.