Бүген Биектауның бертуган Максудилар исемендәге 5 нче номерлы мәктәбендә Татар халкының күренекле шәхесләре Әхмәтһади һәм Садри Максудиларның иҗади мирасын өйрәнүгә багышланган "Максуди эзләреннән..." квест-уены булды. Уенда районның 10 мәктәбеннән 10 команда катнашты. Командалар төрле биремнәрдән торган 10 тукталыш аша үттеләр. Тукталыштагы биремнәрне тиз дә, җиренә җиткереп тә эшләргә тиеш иделәр һәм шулай булды да, чөнки бер биремне төгәл үтәмичә, икенче биремнең кая яшерелгәнен белеп булмый. Уен бик матур тәмамланды, катнашучылар бик канәгать булып, киләсе очрашуларга тикле таралыштылар. Квестта Коркачык урта мәктәбеннән татар теле укытучысы Рамазанова Р.Г. җитәкчелегендә 5 укучыдан торган "Сәлкешләр"(Сәләтле кешеләр) командасы катнашты. Укучыларыбыз үзләренең тел һәм әдәбиятны яхшы белүләрен дәлилләп, төгәл җаваплар бирделәр һәм мактау грамотасына лаек булдылар. Молодцы! Без сезнең белән горурланабыз.