12 апрель - Космонавтика көне буларак билгеләп үттек. Балалар галәм турында яңалыклар, шигырьләр тыңладылар. Беренче галәмгә очучы Ю.Гагарин белән таныштылар. Без балалар белән төсле кәгазъдән ракеталар ясадык.

2 апрель - Халыкара балалар китабы көне уңаеннан "Әкиятләр иленә сәяхәт" дип исемләнгән әдәби сәгать уздырдык. Авылыбыз китапханәчесе Лилия Низамиева балаларны "Татар халык әкиятләре" китабы белән таныштырды. Балалар "Шалкан" әкиятен уйнадылар.

Безнең "Карлыгач" балалар бакчасында бүген "Гаилә" бәйрәме узды. Бәйрәмгә барлык гаиләләр дә килделәр. Балалар әти-әниләренә үзләре ясаган бүләкләрне тапшырдылар, матур шигырьләр сөйләделәр, җырлар җырладылар һәм төрле биюләр башкардылар. Әти-әниләргә бәйрәм бик ошады.

Без балаларны татар халык иҗаты белән таныштыруны дәвам итәбез. Бүген безнең бакчабызга әби кунакка килде. Безнең балалар әбигә:"Без, без, без идек һәм "Кәрия-зәкәрия" уенын уйнап күрсәттеләр. Такмаклар әйтә-әйтә матур итеп биеделәр. Бик күнелле булды.

Бу җыен авыл халкы һәм район вәкилләре белән бергә узды. "Карлыгач" балалар бакчасы мөдире Ибраһимова Г.Р. 2017 ел өчен эш нәтиҗәләренә йомгак ясады.

"Карлыгач" балалар бакчасы балалары 23 февраль Ватанны саклаучылар көненә үз куллары белән әтиләренә бүләк ясадылар.

Бүген "Карлыгач" балалар бакчасына китапханәче Низамиева Л.Р. кунакка килде. Аның катнашында "Туган телем - иркә гөлем" исемле музыкаль кичә оештырдык. Балалар рәсемле китапларны яратып карадылар. Үзләре белгән шигырьләрне сөйләделәр. Тукай абый иҗатын да искә төшердек һәм Туган тел җырын бергә җырладык.

Бүген Биектау муниципаль районы "Сандугач" балалар бакчасында "Сөйлим әнием телендә" район күләмендә шигырь сөйләүчеләр бәйгесе булып узды. Безнең балалар бакчасыннан 5 яшьлек Сафина Алия катнашты. Аңа сертификат бирделәр.

Без балалар белән саф һавага чыккач бездә кышлаучы кошлар өчен җимлеккә җим салабыз. Җимлеккә килгән кышчыкларны күзәтәбез. Аларның исемнәрен дә кабатлыйбыз