Электронное образование Республики Татарстан

Көз бәйрәмендә Шүрәле маҗаралары!
Бүген безнең уртанчылар төркемендә искиткеч күңелле, могҗизалы Көз бәйрәме үтте!
Балаларыбыз Көз кызы Сөмбеләне көткән иделәр, ләкин аны урман шаяны — Шүрәле качырган икән! Сөмбеләне эзләп, нәниләр зур сәяхәткә юл тоттылар. Бу юлда аларга кызыклы геройлар: батыр йөрәкле Батыр, кечкенә Бүре, Саескан, чибәр Кыз һәм акыллы Бабай очрады. Балалар аларның һәрберсе белән дуслаштылар, бергә уйнадылар, җырладылар һәм биеделәр!
Ахырда, тырышлык үз нәтиҗәсен бирде — Сөмбелә табылды! Ул балаларны күрүенә бик шатланды һәм үзе белән сый-хөрмәт, тәмле күчтәнәчләр алып килде.
Бәйрәмебез искиткеч җанлы чыгышлар белән үрелеп барды:
Малайларыбыз дулкынландыргыч «Гөмбәләр» биюен башкарды.
Кызларыбыз исә сары, кызгылт кулчатырлары белән нәфис бию бүләк итте.
Ә төркемнең бердәм «Яфраклар оркестры» барыбызны да таң калдырды!
Балаларга һәм кунакларыбызга онытылмаслык якты хисләр калдырган бу бәйрәмдә катнашкан һәркемгә зур рәхмәт! Көзебез шулай ук күңелле һәм мул булсын!

Зурлар төркемендә узган бүгенге көзге бәйрәм чын әкияткә әверелде. Бәйрәмнең төп серле вакыйгасы — балаларның нәни кызчыкка әйләнгән Көз кызын эзләве булды. Бәйрәм барышында балалар төрле кызыклы биремнәр үтәп, җырлар җырлап һәм уеннар уйнап, Көз кызына кабат үз урынына кайтырга булыштылар.
Бәйрәмнең иң якты һәм онытылмаслык өлеше — көзге киемнәр модасы булды! Кызлар үзләренең кабатланмас образларын күрсәтеп чын модельләр кебек сәхнәдән атладылар. Ә катнашкан геройларыбыз бәйрәмебездән чын могҗиза ясадылар
Бәйрәмебезне оештыруда ярдәм иткән әти-әниләребезгә, катнашкан һәрбер коллегабызга зур рәхмәтебезне белдерәбез Ихтирам белән зурлар төркеме!