Бүген  9 нчы  һәм 11 нче сыйныф укучылары Казан Дәүләт Аграр  Университеты һәм Н.Э.Бауман исемендәге Казан Дәүләт Ветеринар Медицина Академиясе вәкилләре белән очрашты.  Алар укучыларны уку йортлары, аларда алырга мөмкин булган һөнәрләр  белән таныштырдылар, мәктәпне тәмамлагач үзләренә укырга чакырдылар.

Мәктәпнен башлангыч сыйныф укучылары белән "Татарстан һәм безнең күршеләр" исемле темага толерантлык дәресе үткәрелде.

5 нче сыйныфта технология дәресендә укучылар өстәл  бизәргә өйрәнәләр. Тәҗрибәле хуҗабикә буларак, технология укытучысы Низамова Әнисә Нурхамәт кызы укучыларга  табын әзерләү серләрен ача.

Яшел кыяклы суган алу өчен ящикларда суган үстерәбез. Мул уңыш алу өчен суганны күп итеп утыртабыз. 

Мәктәптә яшел суган үстерәбез.Уңышын берничә тапкыр җыеп алдык инде.

Бүген рус теленнән республика олимпиадасының район туры уза. Безнең мәктәп укучылары да олимпиадада актив катнаша.Аларга уңышлар телибез.

Бүген 9 сыйныф укучылары татар  теленнән өйрәнү максатыннан  тест эшләячәкләр.. Безнең мәктәп укучылары Дөбьяз мәктәбенә баралар.

Көзге каникултәмам булып , бүген икенче уку чиреге башлана. Алда район күләмендәге фән олимпиадалары. Барлык укучыларны да бу чараларда актив катнашырга чакырабыз.

Бүген Биектауның 3 нче номерлы мәктәбе бинасында барлык фән укытучылары БДИ бирде. Мәгариф министрының приказы буенча база мәктәп укытучылары гына имтихан бирергә тиеш булса да, безнең  районның төп мәктәп укытучылары да, район мәгариф булеге җитәкчесе  приказы   белән ,  имтихан бирергә мәҗбүр ителделәр. 1 нче смена 10-13 сәгатьләрдә, икенче смена 14-17сәгать10 минутка кадәр булды. Сынауларны уңышлы үттек дип уйлыйбыз. Имтихан нәтиҗәләрен озак көттермәсләр дип өметләнәбез.