.
Эксперименталь эшчәнлек аша эзләнүчән, кызыксынучан, иҗади шәхес тәрбияләү.
-табигый­фәнни һәм экологик белемнәрне киңәйтү, эзлеклелекне тәэмин итү; -алынган белемнәрне тормышта кулланырга өйрәтү;
-гади тәҗрибәләр аша дөрес нәтиҗәләр ясарга, эзләп табу мәсьәләләрен чишәргә өйрәтү;
-кызыксыну, иҗат итү, күзаллау һәм уйлап табу сыйфатларын тәрбияләү.
Күп очракта, белеме җитәрлек булмаган балалар түгел, ә менә нәкъ уйларга теләге булмаган, иҗади яктан өлгермәгән, эзләнүчәнлелек, яңалыкка омтылышы җитеп бетмәгән балалар төрле кыенлыкларга очрый. Ә эксперимент эшчәнлеге – дөньяны танып белергә кызыксынучан ­сизгер мөнәсәбәт тәрбияли, баланың һәръяктан үсешендә зур роль уйный. Ачык һавада үткәрелә торган күзәтүләр тирә­якны күзәтүне, тере һәм тере булмаган табигатьне өйрәнүне үз эченә алган. Балалар кошлар, бөҗәкләр, үсемлекләр тормышы белән танышып, үзләре нәтиҗәләр ясыйлар, гади фәнни аңлатмалар ясауга ирешәләр.
Төркем шартларында, тәҗрибәләр формасында үткән шөгыльләрдә ясалган ачышларның күп өлеше – балаларның мөстәкыйль эшенә нигезләнгән. Тәрбияче бары тик проблеманы чишү, билгесезлекне эзләү эшендә баланы дөрес юнәлешкә җибәрә, ярдәмче ролен үти. Ә алынган белемнәр балаларның башка төр эшчәнлекләрендә киң кулланылыш таба.
Яз аенда балалар кечкенә генә орлыкларны туфракка төрткән булсалар, көз аенда алар нәтиҗәләре белән куаналар. Нәтиҗә уңышлы булсын өчен балалар җәй айларында күп итеп су сиптеләр, яшелчәләрне чүптән арындырп тордылар. Ә хәзер уңышларын күреп шатланалар.