Балаларыбыз имин булсын!
Хэзерге заманда кече яшьтәге балаларның тормышы төрле куркынычларга дучар ителә. Фаҗигаларны булдырмау, кисәтү максатыннан, балалаларны кечкенедән тормыш иминлеге нигезләренә өйрәтү мөһимлеге хәзерге чор таләпләренең берсе.
Бала кызыксынуының чиге юк. Ул таныш булмаган дөньяга аяк баса һәм шуңа күрә дә бөтен нәрсәне күрергә, тотып карарга тырыша. Җәйге чорда балалар аеруча хәрәкәтчән булалар. Төрле уеннар уйнарга, каяда булса барасылары, яна җирләрне күрәселәре килә. Бу очракта бала көтелмәгән бәхетсезлекләр белән очрашмасын өчен тормыш иминлеге нигезләре белән таныш булырга тиеш. Аларга бу вакытта күбрәк игътибар итергә, алар белән күбрәк вакыт үткәрергә кирәк.

Шуңа күрә,  бакчабыз кысаларында кечкенә дусларыбыз белән әнгәмәләр еш оештырабыз.

 "Ачык тәрәзә – балалар өчен куркыныч" дип исемләнгән практик сөйләшү булып узды.  Балалар  тәрбияче апалары сөйләгәнне игътибар белән тыңладылар.  Черки-чебеннән саклаучы сеткалар турында мәгълүмәт алдылар.