Балалар бакчасында балаларга милли тәрбия бирү, гореф-гадәтләр белән таныштыру дәвам итә. Милли бәйрәм "Сабантуй" бакчабызның күңелле традицияләрнең берсе.  7 июнь көнне иртәдән бакчабызда бәйрәм рухы чагылды. Матур итеп татарча милли моңлы көйләр тавышы ишетелеп торды. Бәйрәмне балалар белән урамда матур итеп уздырдык. Аларга Сабантуй бәйрәменең тарихы, татар халкының милли уеннары турында сөйләнелде. Әле сөйләнеп кенә калмыйча, бик күңелле уеннар оештырылды. Балалар берсеннән-берсе узыша узыша капчык киеп тә сикерделәр, күз бәйләп әйбер кисү дисезме,тырыша-тырыша чүлмәк тә ваттылар.Сабантуй бәйрәме балаларга бик ошады, күңелләренә шулкадәр хуш килде. Йөзләреннән елмаю, күзләрендә кызыксынучанлык утлары иде. Бәйрәм тәмамлагач истәлеккә фотога да төштек. Балалар да, өлкәннәр дә бәйрәмнән күтәренке кәеф белән таралышты. Сабыйларыбызны Сабантуй бәйрәме, татарның гореф-гадәте белән таныштыруны балалар бакчасыннан башларга кирәк. Күңелләренә миллилик, туган телнең орлыкларын салу кечкенәдән башлана.Без үзебезнең гореф гадәтләребезне онытмаска, аларны киләчәк буыннарга да чәчми-түкми җиткерергә бурычлыбыз