4 нче бүлек: Олы Кавал авылы “Чишмэкей” балалар бакчасы тарихы!

Бакчаның бүгенге көне.
Бакчаның тәүге тапкыр үзенә балалар кабул иткән көннәрдән бирле инде 45 елдан артык вакыт үтеп бара Илдәге 1990 еллар авырлыгы бакчаны да читләтеп үтми. Ата-аналарның бакчага балаларны йөрткән өчен түләргә акчалары булмаган вакытта ярдәмгә”Чулпан” колхоз җитәкчеләре килә.4-5 ел дәвамында балалар бакчасын ит, сөт, йомырка, бәрәңге һ. б кирәк- яраклар белән тәэмин итеп тора.Олы Кавал Авыл советының да балалар бакчасына ярдәме зур була. Ремонт эшләрен оештыруда,кирәк-яраклар алып бирүдә зур ярдәм күрсәтәләр .
Акрынлап илдәге кризиз чорлары артта кала. Балалар бакчасы Авыл Советы карамагыннан Биектау муниципаль районы РОНО карамагына күчә.
Бакчаны 32 ел дәвамында җитәкләгән Равия Мифтаховна Г. лаеклы ялга китә. Бакчага җитәкче булып Каримова Резеда Азат кызы килә. Аның тырышлыгы белән ОО Татмелиорация Агро җитәкчеләре ярдәме белән бакчага су кертелә, канализация казыла .Резеда Азатовна бакчадан китүгә Рахимова Алсу, аннан соң Насыйбуллина Энҗе Ф килә.
2014 елдан бакча мөдире итеп Гимадиева Гөлүсә Галиахмәт кызы билгәләнә. Җитәкченең эшли башлаган еллары Федераль Дәүләт Белем Бирү Стандартына күчеш елларына туры килә.Җитәкче җиң сызганып эшкә алына, бакча яңа тормыш белән яши башлый. Бакчаны төзекләндерүгә , яңартуга зур көч куя.Коллективка,әти-әниләргә, балаларга зур хөрмәт белән карау,бер идеяләр белән “яну”, дөрес идарә итә белүе аша бакчада зур ихтирам яулый.
Уңышлар озак вакыт көттерми. МББМБУ “Олы Кавал” балалар бакчасы 2016, 2017,2018, 2019,2020, 2021, 2022нче елларда “ Лучший детский сад года”,ә тәрбияче Яруллина Фирдәвес Н. “Ел тәрбиячесе-2017” исеменә лаек була. Республика, район күләмендә үткәрелгән бәйгеләрдә җиңүчеләр рәтендә бара.
2021 нче елны “Чишмэкей” балалар бакчасы Республиканың грантына лаек дип табылды.
Шулай итеп грант акчасына яңа җиһазлар, уенчыклар, милли киемнәр, кирәк-яраклар алына.
Шулай ук балалар бакчасы “Яшел ул”бәйгесендә уңышлы катнашып,3 ел дәвамында беренче, икенче урынны алу бәхетенә иреште. Бакча кыйммәтле бүләкләргә лаек булды.
Хәзергесе вакытта “Чишмэкей” балалар бакчасы алга яңа планнар куеп,балаларга белем һәм тәрбия бирүдә заманча технологияләр куллануны күздә тотып, яңа идеяләр белән эшли .

#ГодПедагогаНаставника
#ГодПедагога2023
#ГодНаставника2023