Һәр елны 3 декабрь – Халыкара инвалидлар көне буларак билгеләп үтелә.  Бүген районыбызда "От сердца к сердцу" "Йөрәктән - йөрәккә" дип исемләнгән хәйрия марафоны булып узды. Безнең балалар бакчасы хезмәткәрләредә кечкенә генә булсада үз өлешләрен керттеләр.Кеше гомере – диңгездәге бер тамчы, мәңгелекнең бер мизгеле генә. Шушы кыска гына вакыт эчендә кеше зур-зур планнар кора. Барлык уйлаганын эшләп өлгерергә, җирдә үзенең эзен калдырырга, мәңгелек исем, мәңгелек яшәү көче алырга тели һәм гомере буе шуңа омтыла. Һәр кешенең яшисе дә, яшисе, яшьнисе килә! Ләкин язмыш кешеләр өчен көтелмәгән борылышлар, мәшәкатьләр, хәтта кайгы һәм бәхетсезлекләр әзерләп куярга мөмкин. Шуңа күрә дә бер-беребезгә мәрхәмәтле булыйк, кулдан килгәнчә ярдәм итик.