4нче февраль көнне мәктәбебездә чираттагы ата-аналар җыелышы үтте. Җыелышны мәктәбебез директоры Шакиров А.С. ачып җибәрде, ул укытучыларны, әти-әниләрне, укучыларны килгән кунаклар, көн тәртибенә куелган максатлар белән таныштырды. Беренче көн тәртибе буенча Биектау районының эчке эшләр бүлеге ,балигъ булмаган яшүсмерләр белән эшләүче полиция хезмәткәре Айнур Айратович чыгыш ясады. Ул әти-әниләрне һәм укучыларны юл йөрү,транспорт чараларын дөрес куллану кагыйдәләре белән таныштырды, исерткеч эчемлекләр, тәмәке, электрон сигаретлар кулланырга ярамаганлыкны, социаль челтәрләр белән сак эш итүне искәртеп үтте. Икенче көн тәртибе буенча мәктәбебезнең тәрбия эшләре буенча директор урынбасары Сабирова Э.Р. чыгыш ясады. Өченче көн тәртибе буенча җыелышлар сыйныфларда үтте. Сыйныф җитәкчеләре 2нче чирек нәтиҗәләре белән таныштырдылар, Бөтенрәсәй тикшерү эшләренә, Бердәм дәүләт имтиханнырына әзерлек, тәртип турында сөйләделәр. Җыелыш бик эчтәлекле формада үтте.