Мәктәбебездә Җиңүнең 70 еллыгына багышлап "Истәлекле вакыйгалар" темасы астында  3 нче сыйныф укытучысы Хусайнова Мөнирә Габдерауфовна тәрбия сәгате үткәрде. Үзенең чыгышында ул  сугышның ничек башлануы, авылыбыздан күпме батыр ирләр әлеге дәһшәте сугышка китүен, балаларның үз әтиләрен ничек озатулары, кайдан кемне ничек алып китүләрен, хатын-кызларның үз җилкәләрендә күтәргән авырлыклары, ачлык заманын, ул вакыттагы авыр тормыш турында балаларга үтемле, эчтәлекле итеп сөйләде. Шулай ук авылдан шушы канлы сугышка китеп бернинди үлем хәбәре булмаган, хәтта хәбәрсез  югалганнар исеменә дә кермәгән Нурулла Габдуллин турында да сүз алып барылды. Аның каберен 56 елдан соң Санк-Петербург янындагы Каменка зираты каберлегендә табалар. Мөнирә Габдерауфовна үзенең чыгышын тарихи истәлекле фотосурәтләр белән баетты.  Укучылар игътибар белән кызыксынып тыңладылар һәм үзләрен кызыксындырган сорауларга да җавап таптылар.