30 нчы апрель көнне Шәтке урта мәктәбендә әти- әниләр җыелышы булып үтте. Җыелышта тәрбия эшләре буенча директор киңәшчесе Габделхаева Р.Х. "Жиңүнең 80 еллыгы уңаеннан балалар белән  нәрсәлар турында сөйләшергә?" дигән темага чыгыш ясады. Ул әти-әниләргә бу сугыш хакында балаларына нәрсәләр сөйли алулары, нәрсәләр эшләргә планлаштырулары, сугышта катнашкан бабалары турында ничек мәгълүмат бирүләре турындагы сорауларга җаваплар алды. Үткәндәге тарихны онытмыйча, яшь буынга җиткерергә кирәклегенә басым ясады. Төрле технологик чаралар ярдәмендә, бу темага кагылышлы сайтларга кереп, сугыш фаҗигасе белән тулырак танышырга мөмкин булуын анлатты. Әти-әниләргә бу мәгълүматлар турында QR-кодлар таратты.
 Шулай ук тәрбия эшләре буенча директор урынбасары Шайхиева И.М. юл хәвефләре, балаларның төрле транспорт чаралары белән йөреп, бәхетсезлек очраклары ешаю күренешләре турында чыгыш ясады. Әти-әниләрнең балаларына тагын да игьтибарлырак булулары, рөхсәтсез, машина йөртү таныклыклары булмаган килеш техникага утырмауларын таләп итәргә кирәклеген искәртте. Ул шулай ук укучыларнын җәйге ялын оештыру, эшкә урнаштыру тәртипләре белән таныштырды.