6 нчы март көнне Шәтке урта мәктәбендә мәгърифәтче, тарихчы, этнограф, тел белгече һәм әдип Каюм (Габделкаюм) Габденнасыйр улы Насыйриның тууына 200 ел тулуга багышланган әдәби кичә булып үтте. Чара барышында укучылар әдипнең тормыш юлы, иҗаты турында чыгыш ясадылар. Аннан соң, "Йөрәктән - йөрәккә" тапшыруын карап, Каюм Насыйриның тормышына, иҗатына, гыйльми хезмәтларенә кагылышлы истәлекләр белән танышып, аның виртуаль музеенда сәяхәт кылдылар.
    Безнең мәктәп укучылары инде 2006 нчы елдан бирле аның истәлегенә үткәрелә торган Халыкара, регионара конференцияләрдә катнашып, призлы урыннар яулап киләләр. Әлеге чара барышында бу укучыларны әзерләгән укытучыларга һәм катнашкан укучыларга рәхмәт белдерелде. Аларга "К.Насыйри дәвамчылары" дип аталган значоклар тапшырылды. Әдәби кичәне әзерләүдә зур тырышлык куйган туган тел укытучысы Ибраева Р.С. зур рәхмәтебезне белдерәбез.