Бу атнада 20 февраль көнне 6-9 сыйныф укучылары бассейнга су коенырга бардылар, алар узләренең сәламәтлекләрен ныгыту өстендә эшләделәр. Бу экскурсиядән укучылар канәгать булып кайттылар. 
         21 февраль –Халыкара туган тел көненә алдынгылар хәрәкәте активистлары Айзадә Галиева һәм Динә Ибраева 8-11 сыйныф укучылары белән туган телләр турында презентация карадылар, квест үткәрделәр. Бу чара класс сәгате вакытында үтте. Телләр бәйрәме тәнәфестә яңадан дәвам итте. Татар теле укытучысы Габделхаева Рәзифә Хәкимҗан кызы җитәкчелегендә бу бәйрәмнең тарихы турында сөйләнде, телләр темасына кызыклы уеннар оештырылды. Соңыннан барлык укучылар белән “Туган тел” җырын җырлап, бәйрәм төгәлләнде.
        22 февраль көнне СВО да катнашучы ир-егетләребезнең әти-әниләре чакырылды. Алар узләренең балалары турында укучылар тарафыннан
эшләнгән презентацияләр карадылар.Укучылар бу егетләрнең  сугыш хәрәкәтләре барган зонада ничек яшәүләре,  тукланулары һәм батырлыклары турында чыгыш ясадылар. Барлык сыйныф укучылары да бу очрашуга ныклап әзерләнгәннәр иде. Без махсус хәрби операцияләрдә катнашучы ир-егетләребезгә исән-сау туган якларына әйләнеп кайтуларын теләп калабыз.
     Атна буе план нигезендә оборона-масса айлыгы алып барылды. Укучылар автомат җыю белән шөгыльләнделәр. Компьютерда “Күрмичә яз” акциясе булып үтте.
        Әйдәгез барыбыз да барлык көчне укуга багышлыйк. Сынауларны  бик яхшы билгеләренә генә бирергә насыйп булсын!
       Ир-егетләрне тагын бер тапкыр 23 февраль- Ватанны саклаучылар көне белән котлыйбыз. Аларга чын, курку белмәс,  батыр егетләр булып усуләрен теләп калабыз. Көннәрегез аяз, күңелегез кояшлы, дөньяларыбыз тыныч булсын!