Дүшәмбе көнне Салахиев Ильшат Ильдусович, 3 енче сыйныф укучылары белән мәктәп театр коллективларының инглиз телендә республика конкурсының муниципаль этабында катнаштылар. Аларга зур җиңүләр телибез.

25 нче гыйнвар көнне Шәтке ачык боз мәйданчыгында, Теләче “Армада”хоккей командасы һәм безнең җыелма команда арасында иптәшләрчә уен узды.

26 нчы гыйнвар көнне, район педагогларының һөнәри осталыгын арттыру, федераль дәүләт белем стандартларын нәтиҗәле гамәлгә кертү максатыннан “Беләбез, өйрәтәбез” дигән темага башлангыч сыйныф укытучылары арасында мастер – класслар конкурслары үткәрелде.Конкурста безнең мәктәптән Рахимова Людмила Николаевна уңышлы гына чыгыш ясады һәм Грамота белән бүләкләнде.

Шул ук көнне,Ленинград блокадасы өзелүгә 78 ел тулуга карата “Блокада икмәге”дигән Бөтенроссия хәтер дәресләре үткәрелде.

27 нче гыйнвар көнне 3 нче сыйныф укучылары “Милли мультфест” Бөтенроссия балалар кинофестивалендә катнашу өчен мультфильм төшерделәр. Аларга бу конкурста җиңүләр телибез.