Бу атна вакыйгаларга бай булды. 
Узган атнаның шимбәсендә , безнең малайларыбыз, районда узган көрәш ярышында уңышлы гына катнашып кайттылар. Анда Сонгатов Алмаз һәм Шамсутдинов Гәдел - 3 урынны яуладылар. 
28 ноябрь көнне, Арча районы Яңа Кенәр авылында, 2006 һәм аннан да кечерәк елгы кызлар арасында волейбол ярышы булып узды. Анда район җыелма командасы 2 урынга лаек булды. 
1 декабрь көнне, "Батыр" спорткомплексында "Билгесез солдат көне" уңаеннан «ФОРПОСТ» җәмәгать тәртибен саклау буенча яшьләр берләшмәсенең спартакиадасы узды. Спартакиадада катнашучылар пневматик мылтыктан атуда, автомат сүтеп-җыюда, йөгерүдә, гер күтәрүдә, турникта тартылуда, гранат атуда һәм канат тартуда көч сынаштылар. Шәхси нәтиҗәләргә килгәндә: автомат сүтеп җыюда - Габдуллина Айзидә 1 урын; йөгерүдә - Хафизов Айназ  1 урын, Зайнутдинова Алинә 2 урын; гер күтәрүдә - Хафизов Айназ 1 урын; турникта тартылуда - Хафизов Айназ 1 урын; гранат атуда - Саттаров Әмир 1 урын, Габдуллина Айзидә 3 урын; канат тартуда команда белән 2 урынга лаек булдылар. Киеренке һәм мавыктыргыч ярышта, ике балга гына калышып, безнең укучыларыбыз 2 урынны яуладылар. Котлыйбыз аларны һәм алга таба да уңышлар теләп калабыз. 
Шулай ук 1 декабрь көнне, 11 сыйныф укучылары "Итоговое сочинение" яздылар. 
Менә бу елның соңгы, ә кышның беренче ае - декабрь дә башланды. Халыкта "Декабрь елны тәмамлый, кышны башлый", дигән әйтем бар. Кышларыгыз җылы һәм могҗизаларга бай булсын. Юлларда сак йөрегез, сәламәтлегегезне саклагыз!
Чисталыкка килгәндә: барлык сыйныф бүлмәләре дә чиста булды.