Бу сүзнең мәгънәсе фарсыча “яңа көн” (нәү – яңа, рүз – көн) дигәнне аңлата. Урта Азиядә, Иранда, Әфганстанда һәм кайбер башка илләрдә бик борынгыдан килгән Яңа елны каршылау бәйрәме ул. Нәүрүз көн белән төн тигезләшкән чорга – 21–22 мартка туры килә. Көнчыгыш календаре буенча әлеге төбәкләрдә язны каршылау язгы чәчү эшләре алдыннан үткәрелә торган халык бәйрәменнән гыйбарәт.

Соңгы елларда халкыбызның гореф – гадәтләрен, йолаларын өйрәнүгә игътибар артты. Март аенда  “Нәүрүз” бәйрәмен үткәрү мәктәп өчен матур традидиция. Бәйрәм яз бәйрәме буларак урамда, мәктәп ишегалдында үткәрелә. Быел мәктәп эчендә Нәүрүз бәйрәменең тарихы, үзенчәлекләре турында сөйләнсә, мәктәп ишегалдында күбрәк спорт уеннарына игътибар бирелде. Бу уеннарда башлангыч сыйныф укучылары бигрәк тә актив булдылар.