Һәр ел саен, халкыбыз үзенең сөекле улын – бөек Тукаебызның туган көнен билгеләп үтә. Менә бүген бөек шагыйребез Габдулла Тукайның дөньяга килгәненә 133 ел тулды.

Чынлап та, бүген безнең мәктәбебездә икеләтә бәйрәм һәм алар бер-берсенә бик тыгыз бәйләнгән. Тукаебызның иҗатына күз салсак, аның бик күп шигырьләре табигать һәм аны саклау, кошларны – бөҗәкләрне, хайваннарны-җәнлекләрне рәнҗетмәү, аларга карата мәрхәмәтле, шәфкатьле булу темасына багышлана. Безнең бүгенге конференциябезнең дә шушы датада үтүе бер дә очраклы түгел. Инде ничә буын балалаы аның шушы шигырьләрен укып тәрбияләнә. Менә бүгенге бәйрәмебезгә дә безнең янга Шәтке “Әллүки” балалар бакчасыннан киләсе уку елына 1 нче сыйныфка киләчәк балаларыбыз Г.Тукайның шигырьләрен алып килгәннәр.