Күп кенә балалар юл йөрү кагыйдәләрен белү шәһәрдә йөргәндә генә кирәк дип уйлый, әмма бу дөрес түгел. Авыллар эчендә яисә тирә якта булсын, безне дә юллар чолгап алган. Балаларны юлларда йөрү кагыйдәләре белән таныштыру өчен тәрбияче апалары бүген авыл тирәсенә алып чыгарга булдылар. Гади генә авыл юлларына да күпме юл билгесе куелган икән бит. Аларның ни сөйләвен, юлда әлеге билгеләрне күргәндә нишләргә кирәклеген балаларга бүген нәкъ менә юлда өйрәттеләр.