2017 елның 28 февралендә Шәтке урта мәктәбендә Теләче муниципаль районы математика укытучыларының семинары булып узды. Семинар “Укучыларны Бердәм дәүләт имтиханнарына һәм Төп дәүләт имтиханнарына әзерләүнең методик нигезләре” темасы астында узды. Эш программасында 2 ачык дәрес, дәресләргә үзанализ һәм анализ, БДИ мәсьәләләре чишү буенча мастер - класс бар иде.  Ачык дәресләр 8 нче сыйныфта геометриядән “Охшаш өчпочмаклар” темасына (укытучы Идрисова М.С.) һәм 10 сыйныфта геометриядән “Пирамидалар темасына төп мәсьәләләр” (укытучы Хафизова Ф.А.) дигән темага булды. Дәресләрне “бик яхшы” дип бәяләп анализ ясаганнан соң, БДИ ның профиль вариантларыннан №14 нче мәсьәләне чишү буенча Ф.А.Хафизова чыгышы тыңланды һәм №15 нче мәсьәләне чишү буенча М.С.Идрисова чыгыш ясады. Укытучылар үзләрен кызыксындырган сораулар буенча фикер алыштылар, тәҗрибә уртаклаштылар.

Семинар эшлекле атмосферада һәм нәтиҗәле узды.