Көннәр салкын һәм яңгырлы торуга карамастан мәктәп базасында  "Шатлык" исемендәге ял һәм сәламәтләндерү лагере үз эшчәнлеген тулы темпларда алып бара. Ял итүче балалар өчен тәрбияче апалары күңелле ял оештыру өстендә тырышып эшлиләр: төрле конкурслар, ярышлар оештыралар, уеннар уйнаталар. Кызлар өчен прическалар ясау ярышы оештырылса, малайлар лего җыйдылар. Бу ярышларда укучылар бик теләп катнашалар һәм вакыт узганны да сизмиләр.