21 февральдә дөньякүләм туган тел көне билгеләп үтелә. ЮНЕСКО тарафыннан игълан ителгән әлеге халыкара бәйрәм дөньядагы телләрне саклау, аларны киләчәк буынга исән-имин җиткерү макстатыннан оеша. Бүгенге көндә галимнәр Җир шарында 7 меңнән артык тел булуын әйтәләр. Һичшиксез, алар арасында миллиардлаган аралашучы һәм шул ук вакытта бер дистә кеше сөйләшә торган телләр дә бар. Хәзерге заманда күпчелегебез ким дигәндә 2-3 телне камил белә. Һәр халыкның теле үзенчәлекле, күп телләр белү дөньяга карашны киңәйтә, төрле милләт халкының мәдәниятен тирәнрәк белергә ярдәм итә. Ләкин туган тел ул бер генә. Безнең телебез – татар теле. Шуңа күрә һәр татар кешесе үз теленә хөрмәт белән карарга тиеш. Сабыйларыбызның теле туган телдә ачылсын. Телебезнең кулланылыш даирәсен киңәйтү, аны балаларыбызга һәм оныкларыбызга тапшыру – безнең төп бурычыбыз.

Бәйрәм уңаеннан Теләче урта мәктәбендә дә төрде чаралар үтте. Татар теле һәм әдәбияты дәресләрендә әлеге бәйрәм турында камилрәк аңлатып, төрле уен-ярышлар үтте. 2-3 сыйныф укучылары өчен татар халык уеннары оештырылды. Уен соңында укучылар татар халык биюләре биеде. Ә 10нчы сыйныф укучылары “Киләчәк” яшьләр үзәгендә әдәби-музкаль кичәгә барды. Биредә безнең мәктәбебез укучылары катнашында искитчкеч кичә оештырылган иде.

В честь праздника для учеников 2 и 3 классов были организованы татарские народные игры и беседы про родной язык, в конце ребята танцевали всеми любимые татарские танцы. А ученики 10 классов посетили литературно-музыкальный вечер, который состоялся в МЦ «Киләчәк»