Бу атна Теләче урта мәктәбендә “Башлангыч сыйныфлар” атналыгы буларак барды. Дүшәмбе  “Әйләнә-тирә дөнья” көне буларак үтте. Шулай ук “Космоска сәяхәт” һәм “Әйләнә-тирә дөнья” фәне буенча олимпиада да булды. Сишәмбе көн 1-4 сыйныф укучылары арасында “Рус теле көне” буларак үтте. “Уйла, тикшер, яз” шигаре астында каллиграфия конкурсы, “Язу короле һәм королевасы”, “Иң яхшы рус теле белгече” бәйгеләре үткәрелде.  Чәршәмбе көн “Башлангыч сыйныфлар атналыгы” кысаларында “Рус әдәбияты укулары” көне буларак үтте. “Укы, уйла, сөйлә” шигаре белән барган конкурслар: “Әкиятләр иленә сәяхәт”, “Иң яхшы эрудит”, “Укучылар конкурсы”. Пәнҗешәмбе көнне математика көне буларак билгеләнде, һәм 4 сыйныф укучылары арасында конкурс үтте. Җомга көнне “Иҗат көне” булды. “Талантлы бала – һәр җирдә талантлы” әнә шул шигарь белән рәсем конкурсы үтте, һәм атналыкка йомгак ясалды.