Бүген Сауш төп мәктәбе базасында берьюлы ике профессиональ конкурс үтте. Педагог-оештыручылар һәм сыйныф җитәкчеләре арасында “Воспитать человека”  конкурсының муниципаль этабы булды. Конкурс барлыгы өч номинациядә барды.  1."Сыйныф коллективын тәрбияләү» - класс җитәкчеләре өчен номинация. 2. "Балалар иҗтимагый оешмаларының, берләшмәләренең тәрбия траекторияләре" - балалар иҗтимагый оешмаларын оештыручылар һәм җитәкчеләре өчен номинация. 3. "Тәрбия процессы белән идарә итү" - гомуми белем бирү оешмаларының тәрбия эше буенча директор урынбасарлары өчен номинация. Әлеге конкурсларда Теләче урта мәктәбе укытучылары да актив катнашып, призлы урыннар алды. Педагог-оештыручылар арасында Зиһаншина Алсу Назыйм кызы – 2 урын, сыйныф җитәкчеләре арасында үткән конкурста өченче сыйныф җитәкчесе Хаҗиева Айсылу Халит кызы – 3 урынга лаек булды! Коллегаларыбызны әлеге зур җиңүләре белән ихластан котлыйбыз!