Бүген, 28 нче гыйнвар көнне Казань шәһәренең 179 нчы мәктәбендә Татарстан Республикасында "Мини-футбол - мәктәпкә" Бөтенроссия проектының мини-футбол уеннары  буенча, 2011-2012 нче елгы кызлар һәм егетләр командалары арасында финалга сайлап алу ярышлары узды. Ярышларда Теләче урта мәктәбе командасы да катнашты. Көне буена барган кызу ярыш нәтиҗәләренә килсәк:  егетләр командасы 2 урын ;  кызлар командасы шулай ук 2 урынга лаек булды! Котлыйбыз! Ярышларга укучыларны ныклы әзерлек белән алып барган физик тәрбия укытучылары Хакимов Рафиль Рефат улына, Салахиев Булат Ринат улына бик зур рәхмәт! Республика дәрәҗәсендәге ярышлар да катнашуны оештырган өчен Теләче урта мәктәбе, аерым алганда директор Хафизов Айнур Фирдәвес улына, Татарстан футбол федерациясе берлегенең Теләчедәге вәкиле Яхин Рәис Рәшит улына рәхмәтебезне белдерәбез! Шуны да әйтеп үтергә кирэк 8 яшь аралыгында үткән мини футбол ярышларында Теләче урта мәктәбе 6 уенда  призёр, һәм 2 уенда жиңүче булып танылды. Шәһәр мәктәпләре арасында катнашу  шулай ук иң зур жиңү булып тора. Җиңүче командаларны ихластан котлыйбыз! Киләчәктә дә унышлар  телибез!