Бүген Теләче урта мәктәбендә чираттагы "Саннар дәресе"үтте. Дәресне Татарстан Республикасы Транспорт һәм юл хуҗалыгы министры урынбасары Никонов Тимур Викторович үткәрде. "Тормыш өчен кирәкле саклу сервислары" темасы буенча үткән дәрестә укучылар электрон мәгълүматны компьютерда ничек сакларга, файлларны, зуррак папкаларны күчерергә өйрәнделәр. Кунак авызыннан укучылар төрле техник сервислар технологияләе һәм аларны тормышта куллану ысуллары белән таныштылар, өстенлекләрен бәяләделәр, кимчелекләрне һәм куллану белән бәйле саклык чараларын белделәр. Тимур Викторович укучыларга җыелган мәгълүматларны ничек сакларга кирәклеген сөйләде, шулай ук әлеге технологияләр белән эшләүче кешеләрнең һөнәрләре белән таныштырды. Соңыннан дәрес кунагы укучыларга чирекнең уңышлы тәмамлануын теләде һәм якынлашып килүче Яңа ел белән котлады.

Исегезгә төшерәбез, декабрьдә Теләче районының барлык гомуми белем бирү оешмаларында "Тормыш өчен кирәкле саклу сервислары” темасына “Саннар дәресе" узды. 2022 елда Татарстан Республикасы Президенты Р.Н.Миңнеханов Указы белән игълан ителгән циффрлаштыру елы кысаларында төрле яшьтәге мәктәп укучылары өчен ай саен “Саннар дәрес”ләре үткәрелә. Әлеге проектның төп максаты-укучыларда циффрлы икътисадның төп компетенцияләрен формалаштыру, шулай ук мәгълүмати технологияләр өлкәсендә балаларның профориентациясен стимуллаштыру. "Саннар дәресе” - укучыларга гадәти гаджетлар ярдәмендә яңа белем һәм күнекмәләр алырга ярдәм итүче эффектив коралларның берсе.