Әниләр Көне - иң якын кешегә мәхәббәт һәм рәхмәт сүзләрен тагын бер тапкыр әйтү өчен искиткеч сәбәп! Бәйрәм алдыннан Теләче урта мәктәбенең «Мөстәкыйль балалар» берләшмәсе активистлары Хаҗиева Айсылу Халит кызы җитәкчелегендә «Сәламәт әни-сәламәт бала!» акциясе үткәрде. Алар барлык әниләрне дә бәйрәм белән котладылар, хатын-кызлар белән аңлату эшләре алып бардылар, тәмәке, алкоголь һәм наркотикларның кеше репродуктив системасына йогынтысы турындагы викторина сорауларына җавап бирергә тәкъдим иттеләр, буклетлар тараттылар. Барлык әниләр дә йөрәк бүләкләре алдылар. Бу сәламәтлек теләкләре белән мәхәббәт символы. Балалар аларга кызгылт - сары төстә тасмалар бәйләделәр. Бу - Кояш, уңдырышлылык төсе, нәселне дәвам итүгә һәм иҗади активлыкка ярдәм итә, шатлык төсе, шәхеснең барлык аспектларын гармонияле бөтенлеккә уңышлы интеграцияләүгә ярдәм итә. Бу көнне барлык Аналарга да рәхмәт әйтәсе килә. Рәхмәт!