Тугры һәм алыштыргысыз дуслар алар - Сүзлекләр. Алар текстларны дөрес язарга, сүзләрнең мәгънәсен билгеләргә, аларның килеп чыгышын аңлатырга гына түгел, ә күзаллауларын киңәйтергә, сөйләм культурабызны үстерергә, халык мәдәниятенә тартырга ярдәм итәләр. "Сүзлек - дөнья алфавит тәртибендә" әдәби-танып белү уены барышында нәкъ менә шушы кирәкле китаплар һәм укуда ярдәмчеләр турында сүз барды. 5 һәм 6 сыйныф укучылары мәктәп китапханәсендә сүзлекләрнең төрлелеге, алар белән эзләү һәм эшләү нигезләре белән таныштылар. Аннары балалар командаларга берләштеләр һәм кызыклы конкурс биремнәрендә катнаштылар. Командаларга язучыларның портретларын тиешле тәртиптә урнаштырырга һәм килеп чыккан сүзнең мәгънәсен аңлатмалы сүзлектә табарга, А.С. Пушкин шигыренә югалган сүзләрне кертергә, сүз төзергә һәм аның тәрҗемәсен табарга, антонимнар сүзлеге ярдәмендә капма-каршы мәгънәле сүз сайларга, мәкальләрнең башын һәм ахырын тоташтырырга һәм төп сүз буенча фразеологизм табарга кирәк иде. Барлык этапларны да командалар уңышлы үтте, ә балалар белешмә әдәбиятның гаҗәеп дөньясыннан бик күп яңа нәрсәләр белделәр.