“Һөнәри юнәлеш бирү” проекты нигезендә бүген Теләче урта мәктәбендә Н. Э. Бауман исемендәге Казан дәүләт ветеринария медицинасы академиясе вәкилләре белән очрашу үтте. Очрашуга Теләче районының  быелгы чыгарылыш 9,11 нче сыйныф укучылары килде.  Академия белгечләре уку йорты эшчәнлеге белән якыннанрак таныштырды. Академия 1873 елда Казан ветеринария институты буларак оеша. Академия үз эченә 3 факультетны, 26 кафедраны, шулай ук дәвалау-консультация үзәген ала. Әзерлек түбәндәге юнәлешләр буенча алып барыла: зоотехния, авыл хуҗалыгы продукциясен җитештерү һәм эшкәртү технологиясе, стандартлаштыру һәм метрология, ветеринария санитария экспертизасы һәм белгечлекләр — ветеринария барлыгы 14 белгечлек.  Укучы-студентларга 113 укытучы белем бирә.