Хәзерге вакытта сәламәтлек мәсьәләсе иң актуаль сорауларның берсе. Аеруча әти-әниләр балаларының сәламәтлекләре турында борчыла, кайгырта. Бүген Теләче урта мәктәбендә укучыларның ата-аналары, барлык санитар һәм эпидимиологик куркынычсызлык чараларын үтәп мәктәп ашханәсендә булдылар. Безнең «контролерлар» ашамлыкларның сыйфаты, ашханәнең торышы, укучыларның гигиена чаралары, меню өчен шартлар белән кызыксынды. Һәм, әлбәттә, укучыларыбызның өйләрендә яңгыраган иң мөһим сорауларның берсе «Ә мәктәптә сезне тәмле итеп ашаталармы?».  Ата-аналар контроле  бу сорауга укучылар өчен әзерләнгән ризыклардан авыз итеп, уңай җавап алды. Контроль журналда бары тик уңай фикерләр калдырды. Шулай ук анкеталарда ашханәдә рецеркулятор куллану, бинада чисталык, мәктәпнең туклану сыйфаты өчен системалы контроле өчен рәхмәт сүзләре дә яңгырады.