Бүген өлкәннәр көне уңаеннан Теләче урта мәктәбендә өлкән укытучылар, биредә хезмәт куючылар һәм кайчандыр мәктәптә хезмәт куйган, лаеклы ялда булган хезмәткәрләр өчен бәйрәм концерты булды. 3 “г” сыныфы (укытучылары Айсылу Халит кызы Хаҗиева) укучылары ярдәме белән әзерләнгән әлеге матур бәйрәмдә, өлкәннәр хөрмәтенә матур җырлар җырланды, шигырьләр сөйләнде. Алар тарафынан өлкәннәребезгә карата бик күп матур сүзләр яңгырады. Теләче урта мәктәбенең “Профсоюз” оешмасы җитәкчесе Фәнис Фәнил улы Гаптрахманов та өлкәннәребезгә үзенең җылы теләкләрен җиткереп, аларга озын гомер, саулык-сәламәтлек, бик бәхетле көннәрнең күп булуын теләп, күчтәнәчләр өләште.