15 августта 3 нче Теләче балалар бакчасында мәктәпкәчә мәгариф учреждениеләренең педагогик хезмәткәрләре секциясе утырышы булды. Секция эше педагогик хезмәткәрләрнең район август киңәшмәсе кысаларында узды. Утырышның темасы «Бала шәхесен формалаштыруда мәктәпкәчә белем бирү системасының роле: тәрбия һәм үсешнең төп аспектлары». Секция эшендә өлкән тәрбиячеләр, тәрбиячеләр, балалар бакчаларының музыка җитәкчеләре катнашты.
     Киңәшмәдэ Теләче 1нче балалар бакчасы тәрбиячесе, балалар бакчалары педагогик хезмәткәрләренең район методик берләшмә җитәкчесе Сабирҗанова Ләйсән Миңнехан кызы; Сафина Елена Васильевна, Теләче авыл җирлегенең 3 нче балалар бакчасы мөдире урынбасары, педагогик хезмәткәрләрне аттестацияләү буенча эксперт төркеме әгъзасы; мәгариф бүлегенең мәктәпкәчә белем бирү буенча методисты Сәетова Анна Николаевна чыгыш ясадылар. 
    Киңәшмәдә сүз балалар белән эшне оештыру, мәктәпкәчә белем бирүнең сыйфатын тагын да яхшырту, яңа инновацион технологияләрне куллану,  педагогик аттестацияне норматив-хокукый тәэмин итү, 2025-2026 уку елында Теләче районында «Мәктәпкәчә мәгариф оешмалары беренчеләр хәрәкәтендә» төбәк проектын гамәлгә ашыру, бала шәхесен формалаштыруда мәктәпкәчә белем бирү системасының роле: тәрбия һәм үсешнең төп аспектлары,  Мәктәпкәчә яшьтәге балаларда инженерлык фикерләвен формалаштыру буенча педагогларга оештыру-методик ярдәм күрсәтү, 2024-2025 нче уку елына йомгак ясалганнан соң 2025-2026 нче уку елына бурычлар билгеләнде.