Бүген безнең районга җиденче чакырылыш Татарстан Республикасы Дәүләт Советы депутаты Михаил Федорович Сыровацкий эш сәфәре белән килде. Финанс грамоталылыгын үстерү өчен, халык программасының, «Бердәм Россия белән финанс грамоталылыгы» проектының «Үсеш икътисады» юнәлеше кысаларында Теләче урта гомуми белем мәктәбенең тарих һәм җәмгыять белеме укытучысы М.М. Ибраһимов белән берлектә өлкән сыйныф укучылары өчен финанс грамоталылыгы буенча ачык дәрес үткәрде. Дәрес дустанә шартларда узды, укучылар депутатка актив сораулар бирделәр, ул аларга бик теләп җавап бирде. Укучылар финанс белән бәйле белемнәрен ныгыттылар һәм электрон акча турында күбрәк белделәр.